பெங்களூரு, பிப். 4: டெல்லியில் தொடங்கி கன்னியாகுமரி வரை 3,333 கிமீ சித்த ஆரோக்கிய மோட்டார் சைக்கிள் பேரணி மற்றும் விழிப்புணர்வு பிரச்சாரத்தை (SWRAC) 22 பேர் கொண்ட சித்த மருத்துவர்கள், ஆராய்ச்சி அலுவலர்கள் மற்றும் நிர்வாகப் பணியாளர்கள் மேற்கொண்டுள்ளனர்.
டெல்லியில் தொடங்கிய, சித்த ஆரோக்கிய மோட்டார் சைக்கிள் பேரணி மற்றும் விழிப்புணர்வு பிரச்சாரம் 12வது நாள் பெங்களூரில் முதல் நிகழ்ச்சி அரசு தலைமைச் செயலகத்தில் உள்ள பிரமாண்டமான விதான்சௌதாவில் நடைபெற்றது. காலை 9 மணிக்கு இன்சார்ஜ் இன்ஸ்பெக்டர் (விதான்சௌதா) குமாரசாமி மற்றும் அவரது குழுவினர் மோட்டார் சைக்கிள் பேரணியில் பங்கேற்றவர்களை வரவேற்றனர்.
அங்கு பிரசாரத்தில் ஈடுபட்ட மோட்டார் சைக்கிள் பேரணியில் பங்கேற்றவர்கள் பின்னர், பாதுகாப்பு வாகனத்துடன் விதான்சௌதாவிலிருந்து புறப்பட்ட அல்சூர் வந்தடைந்தனர். அங்கு சித்த மருத்துவத்தின் நன்மை குறித்து பிரச்சாரம் செய்தனர். இதனைத் தொடர்ந்து அங்கு கூடியிருந்த பொதுமக்களுக்கு இலவசமாக தலீஷாதி சூரணம் மாத்திரை, ஏலாதி சூரணம் மாத்திரை, அமுக்கரா லேகியம், வலி தைலம் (எக்ஸ்ட் அப்ளிகேஷன்) மற்றும் மூலிகை சோப்பு அடங்கிய சித்த ஆரோக்கிய மருத்துவப் தொகுப்பு வழங்கப்பட்டது.
அல்சூரில் நடைபெற்ற விழிப்புணர்வு பிரச்சாரத்தில் பெங்களூரு அல்சூர் ரோட்டரி தலைவர் சிவகுமார், செயலாளர் மோகன்குமார், கர்நாடக தமிழ் பத்திரிகையாளர் சங்கத்தின் தலைவர் முத்துமணி, பொருளாளர் தினகரவேல் மற்றும் செய்தியாளர்கள் பட்டு, ஜெயராம், கிருஷ்ணா, கணேஷ் உள்ளிட்டோர் கௌரவிக்கப்பட்டனர்.
டில்லியில் இருந்து கன்னியாகுமரி வரை 3,333 கி.மீ நீளமுள்ள மாறுபட்ட தட்பவெப்ப மண்டலங்களில் சவாரி செய்யும் சித்த மருத்துவத் துறையினர் மேற்கொண்ட ஆரோக்கிய மோட்டார் சைக்கிள் பேரணி மற்றும் விழிப்புணர்வு பிரச்சார முயற்சிகளுக்கு பாராட்டு தெரிவிக்கப்பட்டது.
சித்தா ஆராய்ச்சிக்கான மத்திய கவுன்சில் (சிசிஆர்எஸ்) அதிகாரிகள் சித்த மருந்துகளின் பங்கு, தொற்றாத மற்றும் தொற்றக்கூடிய நோய் நிலைகளில் அவற்றின் பயன்கள் குறித்து விளக்கினர். பேரணியை வெற்றிகரமாக நிறைவேற்றியதற்காக பல்வேறு உயரதிகாரிகள் சித்த மருத்துவத்துறை மோட்டார் சைக்கிள் வீரர்களை நேரில் வாழ்த்தினர்.
தலீஷாதி சூரணம் மாத்திரை, ஏலாதி சூரணம் மாத்திரை, அமுக்கரா லேகியம், வலி தைலம் (எக்ஸ்ட். அப்ளிகேஷன்) மற்றும் மூலிகை சோப்பு அடங்கிய சித்த ஆரோக்கிய மருத்துவப் தொகுப்பு, கன்னடம் மற்றும் ஆங்கிலத்தில் அச்சடிக்கப்பட்ட துண்டுப் பிரசுரங்கள் பொதுமக்களுக்கு விநியோகிக்கப்பட்டது.
550 பயனாளிகள் சித்த ஆரோக்கிய மருத்துவப் தொகுப்பு பெற்று, பெங்களூரில் பொதுமக்களுக்கு சித்த மருத்துவ சேவைகள் முழு அளவில் கிடைக்க, போதுமான இடவசதியுடன் மருத்துவமனை அமைக்க மத்திய அரசை வலியுறுத்தினர்.
மோட்டார் சைக்கிள் பேரணியில் மார்ஷல் ஒருவரின் வழிகாட்டுதலுடன் சித்த மருத்துவர்கள், ஆராய்ச்சி அலுவலர்கள் மற்றும் நிர்வாகப் பணியாளர்கள் அடங்கிய 22 பேர் மோட்டார் சைக்கிள் பேரணியில் பங்கேற்றனர்.
சித்த ஆராய்ச்சிக்கான மத்திய கவுன்சில் மற்றும் சித்தா தேசிய நிறுவனம், ஆயுஷ் அமைச்சகம், அரசு. இந்தியாவின் சென்னையும் இணைந்து இந்த நிகழ்ச்சியை ஏற்பாடு செய்தன. இந்நிகழ்ச்சி பொதுமக்களிடம் அமோக வரவேற்பை பெற்றது மற்றும் விழிப்புணர்வு பிரச்சாரம் சிறப்பாக நடைபெற்றது.
இந்நிகழ்ச்சியை சித்த மருத்துவ ஆராய்ச்சி பிரிவு (சிசிஆர்எஸ், ஆயுஷ் அமைச்சகம், இந்திய அரசு) மற்றும் அதிகாரிகள் டாக்டர் எம். கண்ணன், ஆராய்ச்சி அதிகாரி (சித்தா), விஞ்ஞானி III மற்றும் டாக்டர் ஆர். மாணிக்கவாசகம், குழு உறுப்பினர்களால் ஏற்பாடு செய்யப்பட்டது.
இதனைத் தொடர்ந்து பெங்களூரில் இருந்து சித்த ஆரோக்கிய மோட்டார் சைக்கிள் பேரணியில் ஈடுபட்ட சித்த மருத்துவர்கள், ஆராய்ச்சி அலுவலர்கள் மற்றும் நிர்வாகப் பணியாளர்கள் அடங்கிய குழு திருப்பதிக்கு புறப்பட்டு சென்றது.
