பெங்களூரு, செப். 7: சனாதனம் குறித்த தமிழக அமைச்சர் உதயநிதி ஸ்டாலினின் கருத்துக்கு பதில் அளிக்குமாறு பிரதமர் நரேந்திர மோடி விடுத்துள்ள அழைப்பு, ஆத்திரமூட்டும் வகையில் இருப்பது மட்டுமின்றி, அரசியல் சாசனத்துக்கும் எதிரானது. ஆத்திரமூட்டும் அறிக்கையை திரும்பப் பெறுமாறு கேட்டுக்கொள்கிறேன்.
எதுவாக இருந்தாலும், யாராவது தவறு செய்திருந்தால் அவர்கள் மீது சட்டப்படி நடவடிக்கை எடுக்க வேண்டும். அதற்கு பதிலாக பதிலளிக்க மக்களை தூண்டுவது சட்டத்தை கையகப்படுத்துவதற்கான அழைப்பாகும். பிரதமர் இப்படி செய்தாலும் குற்றமே.
நரேந்திர மோடி வெறும் பாஜக தலைவர் மட்டுமல்ல, அரசியல் சாசனப் பதவியான பிரதமர் நாற்காலியில் அமர்ந்திருக்கிறார். எனவே அவர் அந்த பதவிக்கும், பொறுப்புக்கும் மரியாதை அளிக்க வேண்டும். செயல்-சொல், செயல்-வினை ஆகியவை கண்ணியத்திற்கு ஏற்ப இருக்க வேண்டும் என்பது அரசமரபு.
நரேந்திர மோடி இன்னும் ஆர்.எஸ்.எஸ்ஸின் மூதாதையர் வீட்டில் இருப்பது போல் இருக்கிறார். அவர் இந்த நாட்டின் 140 கோடி மக்களுக்கும் பிரதமர் என்பதை மறந்துவிட்டார் போலும். பிரதமரின் இத்தகைய அறிக்கைகளால் அவரது சொந்தக் கட்சி மற்றும் அமைப்பைச் சேர்ந்த பல தலைவர்கள் வன்முறைக்கு அழைப்பு விடுப்பது கவலைக்குரியதாகும்.
பிரதமர் நரேந்திர மோடியின் கடந்த கால நடத்தைகள், அவரது தற்போதைய அறிக்கைகள் ஆச்சரியப்படுவதற்கில்லை. அப்போதைய பிரதமர் அடல் பிஹாரி வாஜ்பாய் குஜராத் கலவரத்தின் போது நரேந்திர மோடி முதல்வராக நடந்து கொண்ட விதம் குறித்து அதிருப்தி தெரிவித்ததோடு, அவரை ராஜதர்மத்தைப் பின்பற்றுமாறும் அழைப்பு விடுத்தார். மறைந்த வாஜ்பாயின் ஞானத்தை இந்தச் சந்தர்ப்பத்தில் மோடிக்கு நினைவுபடுத்த விரும்புகிறேன் என்று அவர் முகநூலில் பதிவிட்டுள்ளார்.
