பெங்களூரு, டிச. 19: பெங்களூரில் 48 வது ஆண்டு கேக் கண்காட்சி செயின்ட் ஜோசப் பள்ளி மைதானத்தில் நடைபெற்று வருகிறது. இந்த கண்காட்சி ஜன. 1 ஆம் தேதி வரை அனைத்து நாட்களிலும் காலை 11 மணி முதல் இரவு 9 மணி வரை நடைபெற உள்ளது.
முன்னெப்போதையும் விட அற்புதமான கேக்குகளுடன், பெங்களூரின் ஆண்டு கேக் ஷோ அதன் 48 வது பதிப்பாக டிசம்பர் 16 முதல் ஜன. 1 ஆம் தேதி வரை நடைபெறுகிறது. சி ராமச்சந்திராவின் ஒரு தனி கேக் மாடலுடன் தொடங்கிய இந்த கேட் கண்காட்சி அபரிமிதமான வளர்ச்சியை தற்போது கண்டுள்ளது. மற்றும் பல ஆண்டுகளாக பெங்களூரு வாசிகள் மத்தியில் பிரபலமடைந்ததுள்ளது.
செயின்ட் ஜோசப் பள்ளி மைதானத்தில் நடத்தப்படும், 2022 பதிப்பிற்கான கருப்பொருள்கள் தீமைக்கு மேல் நன்மை, வரலாறு மற்றும் நினைவாற்றல் மற்றும் இயல்பு மற்றும் நல்லிணக்கம் ஆகியவை அடங்கும்.
ஒரு பிரம்மாண்டமான பசிலிக்கா முதல் புராண கேக்குகள் வரை, பெங்களூரில் உள்ள இன்ஸ்டிடியூட் ஆப் பேக்கிங் அண்ட் கேக் ஆர்ட் (ஐபிசிஏ) மாணவர்கள் தங்கள் திறமைகளை சிறந்த முறையில் காட்டியுள்ளனர்.
“நிகழ்ச்சியை வெளியிடுவதற்கு ஆறு மாதங்களுக்கு முன்பே நாங்கள் கருப்பொருள்களை சுருக்கி பட்டியலிடுகிறோம். எங்கள் நோக்கமானது நுகர்வோர் மற்றும் பார்வையாளர்களை பூர்த்தி செய்வதாகும், அதே சமயம் பேக்கர்கள் மற்றும் கேக் அலங்கரிப்பாளர்களாக எங்களின் படைப்பாற்றலை விரிவுபடுத்துவதாகும்,” என்று கண்காட்சி தொடக்க விழாவில் ஐபிசிஏவின் இணை நிறுவனர் மனிஷ் கவுர் தெரிவித்தார்.
“இந்த ஆண்டு, எங்கள் கலைக்கு ஒரு யதார்த்தமான தொடுதலைக் கொண்டுவருவதற்காக, எங்கள் கேக்களில் துணி போன்ற உண்ணக்கூடிய கூறுகளை இணைத்துள்ளோம்” என்று அவர் மேலும் தெரிவித்தார்.
நிகழ்ச்சி அதன் வாயில்களைத் திறந்ததும், பார்வையாளர்கள் அற்புதமான கேக் அமைப்புகளைப் பார்த்து ரசிக்கத் தொடங்கினர். ஜன. 1 ஆம் தேதி வரை அனைத்து நாட்களிலும் காலை 11 மணி முதல் இரவு 9 மணி வரை கேக் ஷோ நடைபெற உள்ளது. கேக் கண்காட்சியை திரளான மக்கள் நாள்தோறும் கண்டு களித்து வருகின்றனர்.
