பெங்களூரு, மார்ச் 17: கருநாடக மாநில திமுக இளைஞர் அணி சார்பில் அக்கட்சியின் தலைவரும், தமிழ்நாடு முதல்வருமான தளபதி மு.க.ஸ்டாலின் 70-வது ஆண்டு பிறந்த நாள் விழா மார்ச் 23 ஆம் தேதி பெங்களூரில் கொண்டாடப்படுகிறது.
பெங்களூரு சேஷாத்ரிபுரம், கினோ திரையரங்கம் அருகில் உள்ள கருநாடக பார்வையற்றோர் காப்பகத்தில் மார்ச் 23 ஆம் தேதி, வியாழக்கிழமை பிற்பகல் 12 மணியளவில் கருநாடக மாநில திமுக இளைஞர் அணி சார்பில் அக்கட்சியின் தலைவரும், தமிழ்நாடு முதல்வருமான தளபதி மு.க.ஸ்டாலினின் 70-வது ஆண்டு பிறந்த நாள் விழா கொண்டாடப்படுகிறது. பிறந்த நாளையொட்டி காப்பகத்தில் உள்ள பார்வையற்ற பிள்ளைகளுக்கு பிற்பகல் அறுசுவை உணவும், நல உதவிகளும் வழங்கப்படும்.
நிகழ்ச்சியில் கருநாடக மாநில திமுக இளைஞரணி அமைப்பாளர் மு.இராஐசேகர் வரவேற்புரை நிகழ்த்துகிறார். கருநாடக மாநில திமுக அமைப்பாளர் ந.இராமசாமி தலைமை வகிக்கிறார். மாநில திமுக இளைஞரணி துணை அமைப்பாளர் எம்.முருகானந்தம் வாழ்த்துரை வழங்குகிறார். முன்னிலை மாநில திமுக நிர்வாகிகள், முன்னாள் மாநில திமுக நிர்வாகிகள், தலைமைப் பொதுக்குழு உறுப்பினர்கள், திமுக மகளிர் அணி, தொமுச பேரவை நிர்வாகிகள், கிளைக்கழக நிர்வாகிகள் வகிப்பார்கள். நிகழ்ச்சியில் இறுதியில் மாநில திமுக துணை அமைப்பாளர் ஜி.இராமலிங்கம் நன்றியுரை ஆற்றுகிறார்.